Shkodra, marshim proteste kundër krimit. Komunitetet fetare të pranishme

Një protestë pritet të zhvillohet sot pasdite në Shkodër.

Qytetarët shkodranë, së bashku me drejtuesit lokale të bashkisë kanë planifikuar të marrin pjesë në orën 19.00 në një marrshim-protestë kundër krimit, pas ngjarjeve të fundit që kanë tronditur qytetin.

Ndryshe nga çdo protestë tjetër, pritet të jenë të pranishëm edhe përfaqësuesit e komuniteteve fetare. Arqipeshkvi i Shkodrës, imzot Angelo Massafra, Hoxha i xhamisë së Rusit, Fejzi Zaganjori dhe përfaqësuesi i Kishës Ortodokse mbështesin protestën e shkodranëve kundër “krimit pa ndëshkim”.