Arrestohet infermierja e spitalit psikiatrik në Elbasan

Një infermiere e spitalit psikiatrik është arrestuar në Elbasan. Mësohet se 50-vjeçarjaShpresa Tollumi nga fshati Bujaras i Elbasanit ishte kryeinfermiere  pranë Shtëpisë së Mbështetur “JETA” në Cërrik.

Ky institucion është në varësi të Spitalit Psikiatrik Elbasan”.Ajo akuzohet për veprën penale të korrupsionit pasiv të personave që ushtrojnë funksione publike.

Njoftimi i Policisë:

Nga Specialistët për Hetimin e Krimit Ekonomik e Financiar në Drejtorinë Vendore të Policisë Elbasan, u ndalua shtetasia: Shpresa Tollumi, 50 vjeçe, banuese në fshatin Bujaras, Elbasan.Ndalimi i saj u bë pasi Prokuroria pranë Gjykatës së Shkallës së Parë Elbasan, ka urdhëruar ndalimin e saj për veprën penale të korrupsionit pasiv të personave që ushtrojnë funksione publike, parashikuar nga neni 259 i Kodit Penal.Materialet iu referuan Prokopisë pranë Gjykatës së Shkallës së Parë Elbasan, për veprime të mëtejshme.