Aksident i rëndë në Kurbin/ Makina përplas 35-vjeçarin dhe largohet nga vendngjarja, i riu ndërron jetë rrugës për në spital.

Një aksident i rëndë ka ndodhur ditën e sotme tek Ura e Presës, pranë fshatit Adriatik në Kurbin.

Një automjet ende i paidentifikuar është përplasur me një biçikletë, dhe më pas është larguar nga vendi i ngjarjes. Drejtuesi i biçikletës, i identifikuar si Anton Curraku, 35-vjeçar është marrë nga ambulanca dhe është nisur për në spitalin e Lezhës ku fatkeqësisht ka ndërruar jetë rrugës.

 Policia e cila ndodhet në vendin e ngjarjes po punon për zbardhjen e plotë të aksidentit.