Aksident tragjik në Durrës, humb jetën 26-vjeçari

Një aksident me pasojë vdekjen është regjistruar mbrëmjen e së hënës, 22 shtator, në segmentin rrugor “Katër Rrugët e Shijakut”, në fshatin Pjezë të Durrësit.

Sipas njoftimit të policisë, një automjet tip Volkswagen, me drejtues 19-vjeçarin F. R., banues në Shijak, është përplasur me një automjet tip Ford, që drejtohej nga 26-vjeçari G. K., banues në Sukth, Durrës.

Për pasojë, 26-vjeçari humbi jetën në vendngjarje. Ndërsa 19-vjeçari u transportua në spital për ndihmë mjekësore dhe ndodhet nën mbikëqyrjen e policisë, teksa vijojnë procedurat ligjore për aksidentin.

Njoftimi i policisë

Rreth orës 23:55, në segmentin rrugor “Katër Rrugët e Shijakut”, fshati Pjezë, automjeti tip Volkswagen me drejtues shtetasin F. R., 19 vjeç, banues në Shijak, është përplasur me automjetin tip Ford me drejtues shtetasin G. K., 26 vjeç, banues në Sukth, Durrës.

Si pasojë, shtetasi G. K. ka humbur jetën në vendngjarje.

Ndërsa shtetasi F. R. është transportuar në spital për ndihmë mjekësore, nën mbikëqyrjen e shërbimeve të Policisë, pasi do të vijojnë veprimet procedurale për aksidentin e ndodhur.