Aktivisti Pesha: Rama dhe mafia do fitojnë miliarda euro me inceneratorët

I pyetur nga moderatori Alen Xhelili lidhur me rrezikun që ju kanoset qytetarëve nga asgjësimi i mbetjeve në vendin tonë, Pesha tha se pas inceratorëve fshihet mafia, e cila në bashkëpunim me Ramën po kërkojnë të fitojnë miliarda euro.

Problemi tjetër është më i madh, kush po i bën? Pra ne nga ana teknike nuk kemi nevojë për kaq shumë inceneratorë. Ligji thotë që incenerimi është hallka e fundit. Pra parandalim, riciklim pastaj incenerim. Ne nuk kemi bërë asgjë as për parandalimin as për riciklimin por shkojmë direkt tek incenerimi. Sot po ushtrohet kaq shumë dhunë, pasi nuk po lejohet të flasin, Adriatikun e arrestuan pse foli në protestë. Po të shohim se kush po e bën shohim që kemi të bëjmë me një aferë. Personi që po i ndërton është Klodian Zoto, është aktivist dhe militant i PS-së, mik i Ahmetajt, ka qenë pjesë e Albtelekom.

Unë si qytetar ngre një pikëpyetje shumë të madhe. A mundet një njeri që ka shitur kompjuterë deri dje të më garantojë mua se këta inceratorë nuk do krijojnë ndotje, sigurisht që jo. Prokuroria duhet të hapë një hetim.

Fakti sot është se inceneratori i Fierit ka marrë 7 milionë euro pahapur asnjë punë. Si ka mundësi që ne i japim një kompanie 7 milionë euro pa bërë asnjë punë, ndërsa spitali i Fierit është për ibret. Pra ne paskemi lekë të paguajmë një njeri që nuk bën asnjë punë, dhe nuk kemi lekë për spitalin.

Qeveria jonë nxjerr sikur banorët e Fierit konsumojnë sa banorët e Suedisë, vetëm këtu prokuroria mund të kapet që kemi të bëjmë me aferë. Ndërkohë që policia e shteti po investohet aq shumësa banorët e Verrisë në Fier iu ka zhdëpur në dru. Ata guxuan edhe sot, sepse morën edhe Adriatikun. Çfarë treguan sot,ata thanë që ne mund të godasim dhe një avokat jo më ju që jeni fshatarë dhe njerëz të pambrojtur.

Qytetarët të bashkuar por edhe reagimi i të gjitha forcave politike mund të ndalin këtë të keqe. Pra forcat politike të lënë mënjanë interesat personale, dhe të mos bien dakord për këto pazare. Pra për këtë çështje të gjithë qytetarët shqiptarë, të gjithë drejtuesit e partive politike, jo këta që e kanë ndarë mendjen, duhet të bëhen barrikadë.

Ka dhe një dokumentar që flet për pasurinë në mes të plehrave që ka gjetur mafia. Kina nuk lejon të marrë më plehra nga Europa. Pra plani i Edi Ramës është që të sjellë plehrat anë Shqipëri. Tentoi me ligjin për importin,ai nuk i eci, tani po tenton me inceneratorët.  Kjo është një histori e tmerrshme. Shqipëria nuk ka nevojë për incenerim. Na del e na tepron ai i Elbasanit, këtë e thonë të gjithë ekspertët, përveç qeverisë,sepse këtu fshihen miliarda euro’, tha Pesha në Syri.net.