Aktorja e njohur shpall kandidaturën për kryebashkiake

Aktorja e njohur Delinda Disha ka njoftuar se do të jetë kandidate e pavarur për kryetare të Bashkisë Tepelenë. Lajmin ajo e bëri të ditur përmes një postimi në rrjetet sociale, ku shprehet e lumtur për këtë vendim.

“Mirëmëngjes miq! Nga sot jam e lumtur të ndaj me ju lajmin si kandidate e pavarur për kryetare në Bashkinë Tepelenë! Me respekt, Delinda Zhupa Disha”, shkruan ajo.

Zgjedhjet në Tepelenë janë caktuar për më 9 nëntor 2025, pas krijimit të vakancës në krye të bashkisë, për shkak të kandidimit të mëparshëm të kryetarit Tërmet Peçi për deputet dhe marrjes së mandatit parlamentar.