Ambasadori i Finlandës i përgjigjet Rusisë: Nuk trembemi, kemi një nga ushtritë më të mira

Ambasadori i Finlandës në SHBA i është përgjigjur kërcënimeve të Rusisë nëse shteti nordik do t’i bashkohet NATO-s.

“Ne nuk trembemi për shkak të një deklarate, ne kemi një nga ushtritë më të mira në Evropë” tha ambasadori Mikko Hautala për Fox News.

Më herët gjatë ditës së sotme, zëdhënësja e Ministrisë së Jashtme ruse Maria Zakharova tha se Finlanda dhe Suedia “do të përballen me disa pasoja ushtarake dhe politike” nëse bashkohen në NATO.

Hautala tha se Rusia po kërcënon Finlandën për NATO-n për vite me radhë.