Anila Hoxha zbulon aksionin e radhës të SPAK: Tenderi tjetër lidhet me spitalet

Gazetarja e njohur e kronikës, Anila Hoxha ka folur për “Breaking” në lidhje me goditjet e njëpasnjëshme të SPAK gjatë ditëve të fundit ndaj zyrtarëve. Gazetarja Hoxha ka zbuluar se cila pritet të jetë goditja e radhës së SPAK në goditjen e tenderave të dyshimtë si pjesë e aferave të korrupsionit.

“Kam përshtypjen se do kemi çdo ditë arrestime, Byroja Kombëtare e Hetimit pritet të vihet së shpejti në funksion. Kam përshtypjen se do të ndiqet strategjia ndiq paratë. Anëtarëte BKH-së janë juriste dhe ekonomistë dhe jo me profesion policë. Kam përshtypjen se hetimi i krimeve financiare, do t’u shkaktojë dhimbje koke, për shkelje të barazisë në tendera dhe që bëhet fjalë për miliona euro. Që nga viti 2000 ka pasur shumë hetime dhe denoncime ende s’ka pasur tenderdhënës të shpallur fajtorë. Ne mund ta kuptojmë mirë dieferencën e një polici shqiptare të veshur me uniformë dhe ta krahasosh me një polic të rajonit në Maqedoni, Malizin e Zi. Paratë janë dhënë dhe polici nuk është i veshur”, tha Hoxha.

Duke u shprehur se ka besim te drejtësia, gazetarja u shpreh se goditja e radhës pritet të jetë së shpejti te spitalet.