Ankandi për shitjen e Vllaznisë, biznesmeni padit në SPAK Voltana Ademin/

Biznesmeni Almiro Gurakuqi ka paditur në Prokurorinë e Posaçme kryebashkiaken e Shkodrës, Voltana Ademin, duke e akuzuar për “shpërdorim detyre” në lidhje me ankandin për shitjen e aksioneve të Klubit të Futbollit Vllaznia.

Gurakuqi ishte një nga pjesëmarrësit në ankand për të blerë Vllazninë,por u përjashtua nga gara për shkak se kishte parregullësi në dokumentet e tij. Por Komisioni i Konkurrencës idha të drejtë biznesmenit për të marrë pjesë në këtë ankand, ndaj Gurakuqi ka paditur kryebashkiaken, duke e cilësuar të padrejtë përjashtimin e tij.

Biznesmeni e akuzon Ademin për “shpërdorim detyre” dhe “shkelje të barazisë së pjesëmarrësve në tendera apo ankande publike”, ndërkohë që do të jetë SPAK që do të vendosë nëse kryebashkiakja e Shkodrës ka shkelur ligjin për përjashtimin e Gurakuqirt nga gara për blerjen e Klubit të Futbollit Vllaznia.