Arbër Hoxha i jep fund beqarisë, Duka “i vë flakën” atmosferës

Zhgënjimi pas dy ndeshjeve të fundit me Kombëtaren duket se është lënë shpejt pas nga Arbër Hoxha, i cili tashmë ka kthyer vëmendjen te një moment shumë i rëndësishëm në jetën e tij personale.

Sulmuesi i krahut i kuqezinjve i ka dhënë fund beqarisë këtë fundjavë, duke u martuar me partneren e tij, Djellza Kadriajn. Çifti organizoi një ceremoni festive, ku nuk munguan as figura të njohura nga futbolli shqiptar.

Në mesin e të ftuarve binin në sy disa nga shokët e tij te Kombëtarja, si Elseid Hysaj, Mirlind Daku dhe Sherif Kallaku, të cilët festuan së bashku me Hoxhën në këtë ditë të veçantë.

Atmosfera e dasmës ka qenë mjaft festive, ndërsa një moment që ka tërhequr vëmendje ishte edhe prania e presidentit të FSHF-së, Armand Duka. Ky i fundit është parë duke kërcyer mes futbollistëve, duke iu bashkuar festës dhe duke shtuar edhe më shumë gjallëri në mbrëmje.