Arrestime masive në Elbasan, policia zbardh detajet (Emrat)

Policia e Elbasanit ka arrestuar në flagrancë 14 persona në një lokal në Bradashesh, gjatë një operacioni të koordinuar që çoi në sekuestrimin e një arsenali të konsiderueshëm armësh dhe sendeve të rrezikshme. Gjatë kontrolleve në ambientet përreth, forcat e rendit gjetën 3 pistoleta, municion luftarak, një elektroshot, radio policie, jelek të mbishkruar me fjalën “Policia”, si dhe sende të tjera që mund të shërbenin për të ngatërruar hetimet.

Personat e arrestuar kanë precedentë të theksuar penalë, kryesisht për krime kundër personit dhe trafikim narkotikësh, dhe konsiderohen individë me rrezikshmëri të lartë shoqërore.

Ndër të arrestuarit janë:

Endri Doda, 43 vjeç – për armëmbajtje pa leje

Ervin Cani, 35 vjeç – për armëmbajtje pa leje

Akil Kertusha, 39 vjeç – për armëmbajtje pa leje

Blerim Heta, 39 vjeç – për kundërshtim të policisë

Egi Çaushi, 32 vjeç – për kundërshtim të policisë

Maksim Suçi (alias Lika), 50 vjeç – për kundërshtim të policisë

B.Ç, 52 vjeç – për kundërshtim të policisë (pronari i kompanisë hidrosanitare Delta)

Hanson Mullahi, 25 vjeç – për kundërshtim të policisë

Stefan Mehmeti, 46 vjeç – për kundërshtim të policisë

Ergys Tusha, 39 vjeç – për kundërshtim të policisë

Jurgers Mullahi, 30 vjeç – për kundërshtim të policisë

Ky aksion vjen pas një hetimi të thelluar, ndërkohë që policia ka sekuestruar gjithashtu 4 automjete, 13 celularë dhe një DVR, që mund të shërbejnë për hetime të mëtejshme.