Atentat me eksploziv në Shkozet, shpërthen një makinë

Përditësuar më 3 Prill 2023, 15:52

Një atentat me eksploziv ka ndodhur në Shkozet. Ngjarja ka ndodhur pak minuta më parë, teksa mjeti që ka shpërthyer është në pronësi të shtetasit Aldo Mustafa.

Ky i fundit 37 vjeç, banues në Durrës, ka qenë i dënuar më parë për veprat penale “Kanosja” dhe “Prodhimi dhe shitja e narkotikëve”, i dënuar më parë me 10 vite burg, në Gjermani

Mustafa është arrestuar për herë të fundit në vitin 2021, teksa ka qenë anëtar i një bande të njohur në Durrës, ndërsa ka pasur lidhje me ‘Rrumin’, një personazh i njohur dhe i përfolur në ngjarje kriminale, siç ishte dhe atentati ndaj ish-prokurorit Arjan Ndoja.

Aldo Mustafa është shok i Alekasandër Lahos, ose ndryshe Pëllumb Muharremit, i njohur si i ‘Forti i Shijakut’, i cili i shpëtoi atentatit që iu bë makinës së ish-prokurorit