Babai i viktimës mesazh protestuesve :Paçi vetëm ditë të lumtura, jo siç i pata unë të zeza

Babai i 25-vjeçarit të ndjerë Klodian Rasha ka dhënë një mesazh për të gjithë protestuesit, duke i uruar që të kenë vetëm ditë të lumtura në familjet e tyre dhe të mos kalojnë atë që po kalon ai vetë.

“Ju lutem pasqyroni realitetin, mos më vini gjëra që nuk e kam në karakterin tim, familjen time, fisin tim. Jam një qytetar, prej 50 vitesh banor i Tiranës, i kam shërbyer vendit, i kam shërbyer shtetit, kam punuar me ndershmëri dhe devotshmëri. Gëzoj respektin e familjes, të lagjes, të të gjithëve. Gjëra të tepërta mos më vini, se unë nuk i shërbej askujt, vetëm familjes, ashtu siç duhet t’i shërbeni edhe ju. Mos më rëndoni me gjëra me inskenime e lloj lloj forma, që nuk i imagjinoj, pse duhet bërë, kur është e qartë. Ju falënderoj të gjithëve, paçi të gjithë veç ditë të lumtura, jo këtë që kam unë”, iu tha Qazim Rasha rotestuesve.