Bardhi: “Edi Rama është zyrtarisht avokati i të pandehurës Balluku”

Nënkryetari i Partisë Demokratike, Gazment Bardhi, ka reaguar ashpër pas deklaratave të fundit të kryeministrit Edi Rama në mbrojtje të zv/kryeministres së pezulluar Belinda Balluku. Sipas Bardhit, Rama po vepron tashmë jo vetëm si kryeministër, por si “avokat personal” i një zyrtareje të pandehur për korrupsion dhe abuzim me detyrën.

“Rama është zyrtarisht avokati i të pandehurës Balluku,” deklaron Bardhi, duke shtuar se reagimet e kryeministrit tregojnë qartë frikën e tij nga drejtësia dhe lidhjen e pandashme me aferat e qeverisë që tashmë janë në hetim nga SPAK.

Bardhi theksoi se procesi ndaj Ballukut nuk është sulm politik, por një hetim i bazuar në prova, ndërsa sulmet e Ramës ndaj drejtësisë janë përpjekje për të mbrojtur veten dhe kupolën qeveritare që – sipas opozitës – është e zhytur në korrupsion.

Reagimi i Bardhit vjen në një moment tensioni politik, ku vendimi i GJKKO për pezullimin e zv/kryeministres ka shkaktuar një tronditje të fortë në qeveri dhe një stuhi reagimesh në opinionin publik.

Opozita ndërkohë paralajmëron se ky është vetëm fillimi i zbardhjes së skandaleve të qeverisë Rama dhe se “drejtësia nuk mund të ndalet me deklarata politike”.