Bardhi thirrje Bashëns: Mos bëj asnjë veprim me fondet e PD-së, do ketë auditim

Nënkryetari i PD-së, Gazment Bardhi ka paralajmëruar Lulzim Bashën se nuk duhet të bëjë asnjë veprim me fondet e PD-së.

Bardhi ka nënvizuar në një intervistë televizive se do të ketë edhe një auditim të plotë të mënyrës sesi janë përdorur fondet e partisë nga individë që ligjërisht, nuk duhet ta gëzonin këtë të drejtë”.

“Zoti Basha ka përdorur financat e partisë me një vërtetim gjykate, bazuar në zgjedhjen e 2021-shit. Politikisht dhe ligjërisht, ai e kishte humbur fuqinë, pasi zoti Basha dha dorëheqjen në 2022-shin. Përdorimi i atij vërtetimi për të shpenzuar para, pra keqpërdorimi i atyre fondeve pa respektuar vullnetin e të gjithë anëtarëve, do të kalojë në një auditim të brendshëm të PD. Nxis të mos ketë asnjë veprim të mëtejshëm, sepse do të ishte jo vetëm politikisht, por edhe ligjërisht e dënueshme. Nuk duhet të ketë asnjë veprim me fondet e PD”, është shprehur Bardhi në një intervistë televizive.

Kjo deklaratë e Bardhit, vjen pas vendimit të gjykatës e cila i ktheu vulën Partisë Demokratike.