Basha: 8 Dhjetori është dita e parë europiane në Shqipëri

Kryetari i PD-së ka reaguar sërish në në lidhje me ditën e rinisë. Ai përmes një postimi në rrjetet sociale ka shkruar se 8 dhjetori është dita e parë europiane e Shqipërisë. Basha thotë se vendi ynë gjendet në një udhëkryq mes politikës së kriminalizuar dhe vlerave të lirisë.

Kreu demokrat u ka bërë gjithashtu thirrje të rinjve që të mos largohen nga vendi port ë qëndrojnë për tu përballur me të keqen.

POSTIMI I PLOTË:

8 Dhjetori është dita e parë europiane në Shqipëri. Ishte fillimi i një udhëtimi të pandalshëm drejt identitetit të humbur. Shqipëria gjendet përsëri në një udhëkryq mes politikës së kriminalizuar dhe vlerave të lirisë. Edhe një herë, kjo sfidë është sfida e rinisë. Të rinjve që duan të ikin u bëj thirrje të qendrojnë, të mos ikin! Të përballemi, të luftojmë dhe të fitojmë mbi të keqen! Bashkë do të ndryshojmë Shqipërinë!