Basha fillon cakton drejtuesit politikë në qarqe

Ditën e sotme kreu i opozitës ka bërë levizjen e parë për zgjedhjet e 25 prillit. Kështu ai katër muaj para zgjedhjeve ka vendosur drejtuesit politikë në qarkun e Shkodrës dhe të Fierit. Përkatësisht në Shkodër, lideri demokrat ka caktuar Helidon Bushatin, ndërsa në Fier do të jetë Enkelejd Alibeaj.

Për ditën e sotme është paralajmëruar që Bushati do të prezantohet pasditen e sotme në Shkodër nga sekretari i përgjithshëm i PD-së, Gazment Bardhi.

Ish-deputeti i PD-së, Helidon Bushati në 2017 pranoi që të largohej nga lista e Shkodrës. Ai sot është anëtar i Autoritetit të Konkurrencës, por Lulzim Basha e rikthen duke i besuar “timonin” e fushatës në kryeqendrën e veriut.

Ndërkohë që nesër do të prezantohet Alibeaj në Fier, i cili është ish-deputet i kësaj force politike dhe ish-kandidat për kryetar bashkie në zgjedhjet vendore të 2015.

Drejtuesit politikë do të udhëheqin fushatën elektorale për zgjedhjet parlamentare të 25 prillit 2021