Basha i përgjigjet Ramës për Reformën në Drejtësi: Kur të jem kryeminstër, do t’i mbaj duart larg nga drejtësia

Duke iu referuar deklaratës së kryeministrit Edi Rama, i cili tha se nëse nuk votohet PS, do të marrë fund reforma në drejtësi, lideri demokrat u zotua të garantojë një pavarësi të plotë të këtij sistemi.

“Zotohem sot para jush se akti im i parë dhe i fundit si kryeministër do të jetë garantimi i pavarësisë së plotë të drejtësisë, me duart larg nga drejtësia, me funksionimin deri në fund të reformës në drejtësi dhe institucioneve”, shkruan Basha në Facebook.

Më herët Rama, me anë të një monologu, bëri thirrje që njerëzit të votojnë Partinë Socialiste, nëse duan që të vazhdojë reforma në drejtësi.