BE-ja i dërgon letër Haradinajt, të zhgënjyer

Edhe një letër nga zyrtarë të lartë të BE-së është nisur në adresën e kryeministrit të Kosovës, Ramush Haradinajt.

Ata shprehën shumë të zhgënjyer që Haradinaj nuk mori parasysh sugjerimet për heqjen e taksës, raporton JOQ Kosova.

“Ju falënderojmë për letrën e 15 dhjetorit. Shprehim keqardhje se ju nuk e keni marrë në konsideratë ofertën e bërë nga komisioneri Hahn në Prishtinë”, thuhet në letrën e BE-së.

Ndërkaq, në letrën që mban firmën e Mogherinit dhe Hahnit kundërshtohet qëndrimi i Haradinajt rreh “ngecjes së dialogut”. Ata thonë se dialogu me presidentin Thaçi po ecën mirë.

“Ne po ashtu fuqishëm nuk pajtohemi për vlerësimin tuaj që dialogu po ngec. Është krejt e kundërta, gjatë drejtimit të dialogut nga dy presidentët janë bërë hapa të qëndrueshë, drejt progresit. Në kemi ndarë këtë vlerësim me liderët e BE-së në Këshillin Evropian në dhjetor dhe kemi marrë porosi inkurajuese për mbështetje”, thonë tutje BE-ja.

Ndryshe, dje në takimin e Këshillit të MSA-së  u raportuar për tensione dhe diskutime të ashpra, pasi Haradinaj nuk kishte pranuar të hiqte taksën, gjë që kishe nervozuar Mogherinin.