Berat/ Shoferi në gjendje të dehur përplaset me dy makina

Një aksident ka ndodhur para pak minutash në qytetin e Beratit. Një makinë tip “Benz” është përplasur në një kryqëzim me dy makina të një filiali banke. 

Shoferi i “Benz-it” ka tentuar që të largohet nga vendngjarja por është arrestuar pas disa minutash nga policia.

Drejtuesi i mjetit ishte në gjendje të dehur dhe dyshohet se ky ka qenë shkaku i aksidentit.

Për fat të mirë nuk ka persona të lënduar nga përplasja por vetëm dëme materiale.