Berisha: Beteja ime me Soros që në 1993. Rrjeti i tij, mafie nga më të rrezikshmet…

Ish-Kryeministri Sali Berisha deklaroi mbrëmjen e sotme se Sorosi me netëorkun e tij bllokoi krijimin e KLP-së. Berisha tha se betejën me George Soros e ka prej vitit 1993, ndërsa i drejtoi një apel disa prej emrave që janë të përfshirë në rrjetin Soros që të largohen nga ai që e quajti “networku mafioz”.

“Shoqëria civile e Xhorxh Sorosit është një mafie e rrezikshme nga më të rrezikshme në histori të vendit. Unë i njoh disa prej tyre dhe u them të largohen nga një network mafioz. Ditën e parë të instalimit të sorosianëve në Shqipëri, në rast se u kujtohet një Nazy bashkë me Abrahamin, çdo ditë bënin punën e agjentëve serbë në Shqipëri derisa i regjistroi SHISH me përfaqësuesit e shërbimeve jugosllave dhe kur Sorosi e mori vesh erdhi me urgjencë duke i tërhequr nga Shqipëria.

Këto konsiderata për Sorosin i kam që në 1993 dhe çfarë ishte u faktua në reformën në drejtësi.

Reforma u nis nga dega e Sorosit për të shndërruan drejtësinë në degë ekzekutive. Është meritë historike e opozitës sepse e bllokoi me Venecian. Sorosi dhe netëorki i tij bllokoi krijimin e KLP-së.

Beteja ime me Sorosin është që në vitin ‘93-n. Shqiptarët duhet të shohin se si këta bllokuan për 6 muaj KLP-në dhe dje e zhbllokuan kur Edi Rama zgjodhi kryeprokurorin. Ka akt më të pështirë të një mafie antishqiptare”, tha Berisha.