Berisha denoncon: Ergysi i drogës në krye të IKMT!

Shkallaret e turpit në narkoshtetin e Rilindjes ngjiten vetëm me një kriter, drogën. Pasardhësi i dosjeve të errëta të korrupsionit, kontrabandës dhe hetimeve të SPAK-ut, Ergys Hoxha  i njohur publikisht si “Gysi i drogës” është emëruar fshehurazi në krye të Inspektoratit Kombëtar të Mbrojtjes së Territorit (IKMT).

Një emërim në hije

Berisha ka  botuar  denoncimin  e qytetarit dixhital, ku thuhet se  Rama e ka kryer këtë lëvizje në heshtje, pa bujë mediatike, duke e komanduar drejtpërdrejt Hoxhën në krye të IKMT. Ky i fundit njihet për presione të dhunshme mbi qytetarët, sekuestrime hapësirash publike dhe “reprezalje” mbi bizneset, duke lënë mijëra familje e pronarë lokalesh në mëshirë të fatit.

Nga doganat tek IKMT,  i njëjti skenar

Emërimi vjen pak kohë pasi Hoxha u shkarkua nga posti i nëndrejtorit të Doganave, ku ishte etiketuar si i përfshirë në afera droge e kontrabande. Burime pranë institucioneve të drejtësisë nuk përjashtojnë që largimi i tij nga doganat të ketë qenë pasojë e hetimeve të SPAK apo sinjaleve të ardhura nga partnerët ndërkombëtarë.

Në fakt, Prokuroria e Durrësit kishte hapur një dosje ku Hoxha figuron i hetuar për një skemë korrupsioni me zhdoganimin e makinave, bashkë me kunatin e tij doganier Endrit Pëllumbi dhe Drejtorin e Hetimit Doganor, Artur Sejatin – ky i fundit i arrestuar në Greqi për kontrabandë.

“Meritë biografike”: dosjet me drogë

Nga kreu i antidrogës ku droga qarkullonte lirshëm, në nëndrejtor i Doganave ku kontrabanda lulëzonte, e sot në krye të IKMT ku prishen e ndahen pasuri publike me urdhër politik – Ergys Hoxha është shembulli i përkryer i “meritës biografike” të narkoshtetit.

Ky është mesazhi i qartë i Ramës për shqiptarët: në Shqipërinë e tij, droga dhe korrupsioni nuk dënohen, por shpërblehen me poste të reja dhe më të fuqishme.