Berisha: Më 11 maj shembim narko-shtetin, çojmë para drejtësisë ata që…

Kreu i PD-së Sali Berisha prezantoi sot planin e koalicionit që drejton “Shqipëria Madhështore” lidhur me rendin dhe sigurinë. Berisha gjatë fjalës së tij u ndal dhe te situata në burgjet shqiptare të cilën e krahasoi me epokën staliniste gjatë diktaturës. Më tej bëri me faj për këtë gjendje edhe ministrin e Drejtësisë Ulsi Manja.

Berisha thotë se vdekjet nëpër burgje nuk ndodhin për shkaqe natyrale, duke marrë rastin e disa të rinjve që kanë humbur jetën në ambientet e burgimit. Për kryedemokratin institucionet fshehin se ç’ndodh me ta, pasi nuk mund të ketë vdekje natyrale për një 28-vjeçar.

Sakaq, Berisha foli edhe për keq-qeverisjen Rama që ka larguar nga vendi më shumë se çdo pushtim i mëparshëm përfshi edhe atë serb sipas tij.

Berisha: Do dalin para ligjit të gjithë ata që kanë mbajtur lidhje me krimin, si dhe të korruptuarit, është luftë për ekzistencën e Shqipërisë, jo për karrige. Edi Rama kërkon një mandat të katërt. Pasi në 12 vite të qeverisjes së tij janë larguar më shumë shqiptarë se nga gjitha pushtimet përfshi edhe ai serb. Nuk ka larguar pushtimin serb nga Kosova sa largoi ky nga Shqipëria në 12 vite, një reformë tërësore në program do ndërmerret. Të gjithë subjektet e padrejtësive do merrni vendin që meritoni. Ju u ndëshkuat se u përballët me krimin, për të hapur rrugën krimit.

Do mbetet dita e zezë kur një vagabond si Tahiri shpalli shkrirjen e policisë kriminale pasi kapi prindërit e tij duke bërë kontrabandë. I hapi rrugë krimit. Ky ishte fillimi i Edi Ramës. Hapi portat për krimin dhe trafiqet. E drejta për ju do rivendoset. Duhet të jeni krenar për detyrat që keni kryer. Gjykatësit dhe prokurorët që u përballën u larguan me vetting gjueti shtrigash. Këto do marrin fund. Besoj plotësisht tek ju, te burra dhe gratë në institucionet. Që kanë vullnet, jashtë çdo ndërhyrje në ligjin.

Të rikthejmë respektin e plotë të lirive dhe të drejtave të qytetarëve shqiptarëve. Burgjet janë në shumë aspekte tejkalojnë kohën staliniste. Isha në Këshillin e Evropës. Nuk ka vdekje natyrale për 28 vjeçarë, janë fshehje në këto institucionet. Vetë Ulusiu merret me akte të ulëta, provokime pa koncept për dinjitetin njerëzor. Ju siguroj se transformim rrënjësor do ndodhë në fushën e rendit dhe sigurisë.

Kreu i PD Sali Berisha akuzoi ish-ministrin Saimir Tahiri, teksa tha se ai shpalli shkrirjen e Policisë Kriminale, duke e akuzuar atë për lidhje me skandale dhe trafiqe familjare. Berisha theksoi se kjo masë e tij ishte një përpjekje për të fshehur skandalet që lidheshin me anëtarët e familjes Tahiri.

Në fjalën e tij, Berisha premtoi se do të ndërmerrte një transformim rrënjësor në sistemin e rendit dhe sigurisë, duke theksuar se do të luftojë për një shtet ligjor dhe të drejtë. Ai kritikoi gjendjen e burgjeve, duke përmendur vdekjet e të rinjve teksa i ka cilësuar si të papranueshme etiketimin e tyre si “vdekje natyrale.”

Në lidhje me organet e zbatimit të ligjit, Berisha premtoi një përmirësim të kushteve të punës dhe një trajtim më të dinjitetshëm për punonjësit e Policisë, duke përmendur rritjen e pagave dhe modernizimin e teknologjisë. Ai përfundoi se qëllimi është të shembet narko-shteti dhe të ndërtohet një shtet ligjor, ku ata që kanë kontribuar në ndërtimin e “shtetit të drogës” do të përballen me ligjin.

Gjatë prezantimit të programit të opozitës për rendin dhe kufirin kreu i opozitës theksoi se, “oficerët e policisë u ndëshkuan se u përballën me krimin por do të marrin përsëri vendin që meritojnë”.

Berisha: Edi Rama kërkon një mandat të katërt pasi në 12 vite të qeverisjes së tij janë larguar më shumë shqiptarë nga trojet e tyre se nga të gjitha pushtimet, përfshi pushtimin serb.

Nuk ka arritur pushtimi serb të largojë nga Kosova në 12 vite sa largoi ky nga Shqipëria.

Një reformë tërësore, e cila është parashikuar në program, të cilën do e plotësoni me mendimet tuaja, me idetë tuaja, do të ndërmerret.

Të gjithë ju, subjekt i padrejtësive të mëdha ligjore që janë bërë, do merrni vendin që meritoni.

Ju u ndëshkuat se u përballët me krimin.

Ju u ndëshkuat për t’i hapur rrugën krimit.

Do mbetet ditë e zezë në historinë e këtij institucioni, kur një vagabond, një delinkuent si Saimir Tahiri, shpallte shkrirjen e policisë kriminale se kishte kapur prindërit e tij teksa bënin kontrabandë.

Dhe i hapte rrugën krimit, skafeve dhe trafiqeve të tij personale, familjare.

Ky ishte fillimi i Edi Ramës, i qeverisjes së Edi Ramës.

Në aktin më të parë hapi portat në të katër anët për krimin dhe trafiqet.

Por e drejta për ju do vendoset me vendosmëri dhe duhet të jeni krenarë për detyrat që keni kryer.

Gjykatësit dhe prokurorët që u përballën dhëmb për dhëmb me krimin dhe u larguan nga detyra me vetingun gjueti shtrigash, ata që dhanë dënime përjetë për bandat e qeverisë socialiste, ata janë sot jashtë institucioneve si hakmarrje për ta.

Të gjitha këto, marrin fund!

Unë besoj plotësisht tek ju.

Besoj plotësisht tek burrat dhe gratë, tek institucionet, në Policinë e Shtetit, në prokurori, në gjykata, që kanë vullnet të zbatojnë ligjin. Në këtë mënyrë të zbatojmë narkoshtetin me shtetin ligjor.

Të rikthejmë respektin e plotë të lirive dhe të drejtave të qytetarëve shqiptarë dhe garantimin e tyre. Garantimin e sigurisë së tyre.

Sot burgjet e tyre janë në shumë aspekte tejkalojnë burgjet e kohës staliniste, e kohërave më të egra.

Unë po vij nga Këshilli i Europës, bëra një denoncim shumë të fuqishëm në Komitetin e Antitorturës.

Çfarë ndodh? Njëri pas tjetrit lajmet, vdiq filani, 28 vjeç, vdiq tjetri 32 vjeç nga vdekje natyrale. Nuk ka vdekje natyrale për një 28 vjeçar apo për një 32-vjeçar. Këto janë të gjitha fshehje të krimeve që ndodhin në këto institucione, ku vetë ministri, vetë Uluziu merret direkt me akte të ulëta, provokime pa asnjë lloj koncepti për dinjitetin njerëzor.

Kudo që të jetë, cilido që të jetë, ai ka dinjitetin e tij.

Duhet të ketë sigurinë e tij.

Sali Berisha: Vagabondi Saimir Tahiri shpallte shkrirjen e Policisë kriminale, sepse kishte skandale e trafiqe familjare. Unë besoj tek institucionet, ka njerëz të ndershëm që kanë vullnet për të zbatuar ligjin, që të zëvendësojmë narko-shtetin me shtetin ligjor, të rikthejmë respektin e plotë të lirive dhe të drejtave të qytetarëve shqiptarë dhe garantimin e sigurisë së tyre. Burgjet tona janë në kushte të rënda, teksa në lajme raportohet se vdesin të rinj në burgje. Thonë “vdekje natyrale”, por nuk ka vdekje natyrale për një të ri. Vetë ministri Manja merret me akte të ulëta. Një transformim rrënjësor do të ndodhë në rend e siguri. Rrogat e trajtimi do jenë përparësi e madhe për organet e zbatimit të ligjit. Rrogat janë të larta, por diferencat mes pagave nuk do jenë kaq të mëdha sa sot. Policia do pajiset me teknologjinë më moderne. Do shembim narko-shtetin, do ndërtojmë shtetin ligjor dhe do vendosim para ligjit ata që ndërtuan shtetin e drogës.