Berisha nxjerr pamjet e bandës së Bajrave në Shkodër: Si shoqërohej nga policia dhe lëvizjet e tyre ditën e zgjedhjeve

Sali Berisha ka publikuar sot para gazetarëve një videomaterial, ku deklaron se në të vërehen lëvizjen me makina të anëtarëve të grupit kriminal Bajraj, në Shkodër ditën e zgjedhjeve.

Ai tha se mandati i fituar në Shkodër, është mandat i grupit Bajraj, dhe terrorit që ata kanë bërë ditën e votimit.

“Ju ftoj të ndiqni këtë dokumentar horror 24 minuta, që tregon gjithë dramën e qytetit, me emra dhe mbiemra me targa me të gjitha… përveç Beharit dhe Denisit, Safeti u nxor nga burgu dhe u dërgua tek banda para zgjedhjeve. I shoqëron policia.

Merrnin pjesë çdo natë te shtabi elektoral që udhëhiqte Spiropali. Një anëtar i PS i shoqëron këta në qendra votimi. Përfaqësues të KQZ Bajarajt.

Të njëjtën gjë ka bërë Pëllumb Gjoka në Velipojë. Vetëm kaq kemi mundur të sigurojmë në video, sepse njerëzit kanë frikë. Kjo tregon se mandati i Shkodrës, ishte i Bajrajve”, tha Berisha.