Paratë e taksave “rrush e kumbulla”

Pushime vere në mes Tetori

Çmenduritë e shpërdorimit të taksave të qytetarëve janë të llojeve nga më të ndryshmet nga ana e institucioneve shtetërore. Një rast i fundit është ekzekutuar nga Shtëpia e Pushimit të Ministrisë së Mbrojtjes në Durrës.

Ky institucion parimisht ka hapur në mes të muajit tetor ku sezoni veror është i shkuar dhe shirat kanë pushtuar vendin, një tender me vlerë gati 20 Milionë Lekë të vjetra pa TVSH për blerje shezlongësh

Tenderi i shpallur dje dhe i mbyllur po dje, ka si objekt “blerje shezlongësh” për shtëpinë e pushimit të zyrtarëve të Ministrisë së Brendshme.

Bëhet fjalë për 174 shezlongë me dyshekë me specifika borëgjeze. Në përshkrimin e produktit shkruhet se materiali i shezlongëve duhet të jetë dru ahu i stazhionuar, ngjyrë kafe e errët me gjatësi 190 cm dhe gjerësi 60 cm.

Përsa i përket dyshekëve duhet të jenë material dok i gomuar ngjyrë bezhë.

Nëse do të pjesëtonim Fondin Limit me numrin e shezlongëve të kërkuar, ku përfshihen edhe dyshekët, çmimi i një shezlongu me specifikat e kërkuara nga Shtëpia e Pushimit të Ministrisë së Mbrojtjes është mbi 100 Mijë Lekë.