Blinken jep alarmin: Rusia mund ta pushtojë Ukrainën në mesin e lojrave Olimpike

Sekretari amerikan i Shtetit, Antony Blinken tha të premten se Rusia po grumbullon akoma më shumë trupa në kufirin e Ukrainës dhe paralajmëroi se një pushtim mund të vijë “në çdo kohë”, duke përfshirë edhe Lojërat Olimpike Dimërore që përfundojnë më 20 shkurt.

“Ne jemi në një dritare kur një pushtim mund të fillojë në çdo kohë, dhe për të qenë i qartë se kjo përfshin edhe Lojërat Olimpike,” tha ai, duke lënë mënjanë sugjerimet se Moska do të priste deri pas Lojërave të Pekinit për të shmangur rrëzimin e aleatit të saj Kinën.

“Thënë thjesht, ne vazhdojmë të shohim shenja shumë shqetësuese të përshkallëzimit rus,” tha Blinken pas një takimi të homologëve nga të ashtuquajturat vende Quad — Australia, India, Japonia dhe Shtetet e Bashkuara, i mbajtur në Melburn.