Britania e Madhe nënshkruan marrëveshjen për mbrojtje nga sulmet me Suedinë dhe Finlandën

Pushtimi rus në Ukrainë ka hapur një kapitull të ri në histori që pas Luftës së Ftohtë. Kështu deklaroi kryeministri britanik Boris Johnson pasi ra dakord të nënshkruajë pakt për mbrojtje me Suedinë dhe Finlandën.

Johsnon vizitoi Stokholmin dhe Helsinkin për të nënshkruar marrëveshjet, të cilat përcaktojnë se Mbretëria e Bashkuar do t’i vijë në ndihmë Suedisë dhe Finlandës nëse sulmohen, dhe anasjelltas edhe ato do jenë në gatishmëri për mbrojtje nëse sulmohet Britania e Madhe.

Duke folur në Helsinki, Johnson tha se ndihma e dhënë Ukrainës dhe mbështetja e premtuar për Suedinë dhe Finlandën ishin thelbësore për t’iu kundërvënë presidentit rus Vladimir Putin.