“Budallallëk të përgjigjesh”, Noka replikon me Fugën: Nuk ke guximin të…

Deputeti demokrat Flamur Noka ka reaguar menjëherë pas deklarimeve të sotme të Endri Fugës dhe Ulsi Manjës, të cilët u munduan të “sfumojnë” dy skandalet e fundit në të cilat është përfshirë kryeministri Rama dhe qeveria e tij.

Në një reagim në rrjetet sociale, Noka shkruan se Edi Rama i dha 15.6 milionë euro baxhanakut të tij dhe 17.3 milionë euro Papulit që I ndërtoi vilën në Surrel, ndërkohë që nuk ka guxim të përgjigjet, por fshihet pas Ulsiut dhe Fugës.

Ja postimi I plotë I Flamur Nokës.  

Jep 15.6 milion euro nga parate e shqiptareve baxhanakut te tij,
Jep 17.3 milion euro Papulit qe i ndertoi vilen ne Surrel
Kercenon gjyqtarin ne Strasburg qe ti hap rruge vjedhjes se pronave te shqiptareve dhe nga ana tjeter nuk ka guximin te pergjigjet por fshihet pas Ulsiut e Fuges.
Ky eshte Edi Rama…..

Denoncimi i PD: Rama i dha mikut të tij, Agron Papulit, tender 1.8 milionë euro për makina me qira

Deputeti i Partisë Demokratike, Flamur Noka, në një deklaratë për mediat u shpreh se buxheti i shteti po shpërndahet me shpejtësi tek ata që ai i quan klientë të familjes së kryeministrit.

Ai ka denoncuar një rast, duke thënë se në korrik, kompanitë e Agron Papulit, që e cilësoi si mik të kryeministrit, morën 1,8 milionë euro nga dhënia me qira e makinave për policinë.

“Marrja me qera e makinave është korrupsion i pastër për të pasuruar financuesin e Edi Ramës, kjo sepse harxhohen miliona euro për makina me qera dhe makinat nuk i mbeten policisë, por i rikthehen përsëri mikut të Ramës. Kostoja e marrjes me qera të makinave është më e madhe sesa blerja e tyre”, deklaroi më tej deputeti Noka.

DEKLARATË E PARTISË DEMOKRATIKE, DEPUTETI FLAMUR NOKA

Edi Rama, po tregon çdo ditë se qëllimi i pushtetit të tij nuk ka qenë dhe nuk është qeverisja e shqiptarëve, por vjedhja dhe pasurimi i tij dhe i oborrtarëve të tij.

PD denoncoi një ditë më parë provën e dokumentuar se si qeveria e Edi Ramës, i ka dhënë baxhanakut të tij Armand Frangu, 41 tendera me vlerë 15.6 milion euro.

Ky nuk është rasti i fundit.

Sot, po bazuar në dokumente zyrtare, po denoncojmë faktin se si Edi Rama vijon të favorizojë një ndër binzesmenët e afërt të tij, duke i dhënë miliona euro nga buxheti i shtetit, me gjithë denoncimet e shpeshta publike.

Kompanisë së mikut të Ramës, Agron Papuli, siç provohet edhe në dokumentet zyrtare nga Agjencia e Prokurimit Publik në muajin korrik të këtij viti i është dhënë tenderi e rradhës. Bëhet fjalë për një tender me objekt “qira operacionale automjetesh nga Policia e Shtetit, 1.8 milion euro.

Marrja me qera e makinave është korrupsion i pastër për të pasuruar financuesin e Edi Ramës, kjo sepse harxhohen miliona euro për makina me qera dhe makinat nuk i mbeten policisë, por i rikthehen përsëri mikut të Ramës. Kostoja e marrjes me qera të makinave është më e madhe sesa blerja e tyre.

Favorizimi me tendera muk ndalet vetem me makinat e policisë. Në dy vitet e fundit, nga kompania shtetërore OSHEE, kompanitë e preferuara të Ramës, në pronësi të Agron Papulit kanë përfituar 6 tendera, me vlerë 4.3 milion euro.

Ky është një korrupsion i paracaktuar dhe një akt korruptiv kriminal, pasi të gjitha specifikat e tenderave për makinat në qeverisjen e Edi Ramës janë përcaktuar nga vetë Agron Papuli duke pamundësuar garën për të tjerët.

Janë 127 tendera që i janë dhënë mikut të kryeministrit, Agron Papuli, që prej ditës që qeveris Edi Rama. Duke bërë një llogari të thjeshtë, rezulton se nga buxheti i shtetit për mikun e kryeministrit Agron Papuli, janë dhënë 17.3 milion euro.

1.8 milionë eurot e përfituara në korrik të këtij viti janë kësti i fundit i një politike arrogante të kryeministrit, i cili buxhetin e shtetit e shpërndan ekskluzivisht për familjen e tij, baxhanakun, miqtë e deputetëve të partisë si dhe për oligarkët që pastrojnë paratë dhe paguajnë tarifën tek kryeministri.

Por zullumi i kësaj qeverie s’ndalet së trashuri, prandaj klika e baxhanakëve, e miqve të gruas dhe e grave të miqve s’mund të mbijetojë gjatë.

Shqiptarët nuk do të lejojnë që Edi Ramës t’i jepet shansi ta privatizojë edhe buxhetin e vitit të ardhshëm.