Çështja Balluku, Partia ‘Mundësia’ protestë me tymuese para Kuvendit

Ndërkohë që Këshilli i Mandateve dhe Imunitetit përgatitet të vendosë mbi kërkesën e SPAK për arrestimin e zëvendës-kryeministres Belinda Balluku, para Kryesisë së Kuvendit janë mbledhur protestuesit e parë.

Tubimi është organizuar nga kryetari i Partisë ‘Mundësia’, Agron Shehaj.

Me pankarta në duar, qytetarët kërkojnë drejtësi për çështjen e Ballukut. Në mesazhet e tyre lexohen mbishkrime si: “Pa drejtësi, s’ka BE” dhe “Sot Balluku, nesër Rama”, që reflektojnë shqetësimin dhe pakënaqësinë e tyre ndaj situatës.