Deklarata e fortë: Arrestimi i Veliajt, aksion i drejtpërdrejt i Ramës

Analisti Arben Meçe, i ftuar në emisionin LOG në News 24, deklaroi se arrestimi dhe shkarkimi i ish-kryebashkiakut të Tiranës, Erion Veliaj, është një aksion i drejtpërdrejtë i kryeministrit Edi Rama.

Ai shtoi se Partia Socialiste nuk e lejoi praninë e Veliajt në mbledhjen e Këshillit Bashkiak, pasi sipas tij “nuk deshën ta shpinin në gijotinën e akuzës”.

“Nuk është aksioni i PS por është i drejtpërdrejt i Edi Ramës. Në historinë time 30-vjeçare Edi Ramën asnjëherë nuk e kam diskutuar si një person, i cili bën lëvizjen në boshllëk.

Lëvizjet e tij i ka sha-matë prandaj është atje ku është. Sot u kërkua, që Erion Veliaj të shkonte në Këshill Bashkiak. Dhe Teliti bëri një deklaratë: e duam Veliajn që t’ia numërojmë një nga një për ato që ka bërë.

Të parën unë e rrëzova me argument sepse nuk jemi në kushte gjykimi dhe për sa kohë nuk jemi në kushte gjykimi nuk domososhmëri prania e personit për të cilin debatohet. Ajo që ishte më e rëndësishme është pjesa e dytë. Dhe këta e donin Erion Veliajn pikërisht për pjesën e dytë.

Praktikisht PS nuk e shpuri Erion Veliajn në gijotinën e akuzës, por e tërhoqi dhe shkaku se përse ata nuk e shpunë sot ishte që të mos e ballafaqonin me këtë tendencë.”

Meçe tha se Rama mbetet i padiskutueshëm brenda PS dhe mund ta zëvendësonte Veliajn menjëherë.

“Edi Rama është një person, i cili sa fitoi zgjedhjet pushtetin e tij politik nuk ja cënon askush. Rama e zëvendësonte Veliajn që nesër me Ogerta Manastirlliun.”

Ai shtoi se veprimi i kryeministrit ishte më shumë politik sesa ligjor:

“Edi Rama nuk ndodhej në një presion të domosdoshëm, ku doli përpara opinionit publik dhe tha se ‘do e marrë unë përgjegjësinë politike’. Pse ai e bëri një gjë të këtillë? Ai prodhoi një artificë dhe tha që unë dua që të prevalojë interesi qytetar i Tiranës.

Sepse mua më duhet një kokë në Bashkinë e Tiranës për të mbajtur përgjegjësinë. Unë që nga momenti i parë nuk jam tek kjo, sepse për mua duhet të prevalojë elementi ligjor pastaj elementi i politikës.

Sepse mbrojtësi i elementit politik është ligji. Politika bie në populizëm dhe dëmton ligjin. Ligji nuk bie në populizëm por mbron dhe popullin edhe qytetarin.” tha Meçe.