Del foto e autorit tê dyshuar për atentatin ndaj Prokurorit Ndoja
Personi që shihni në fotot e mësipërme është Arjol Halilaj, një prej autorëve të dyshuar si pjesë e atentatit të ndodhur në nëntor 2019 te mbikalimi i Shkozetit, ku u plagos Prokurori Arjan Ndoja, Landi Muharremi dhe humbi jetën shoferi i tij Andi Maloku.
Mësohet se grupi i hetimit, i përbërë nga specialistë të Departamentit të Policisë Kriminale, Sektorit të Krimeve të Rënda në DVP Durrës, nën drejtimin e SPAK ka siguruar provat e nevojshme dhe ka bërë të mundur ndalimin e 29 vjeçarit Arjol Halilaj lindur në Skrapar dhe banues në Durrës.
Sipas Policisë, Gjykata e Posaçme e Shkallës së Parë për Korrupsionin dhe Krimin e Organizuar ka caktuar për 29 vjeçarin Halilaj masën e sigurisë “Arrest në burg”, për veprën penale “Përkrahja e autorit të krimit e kryer në rrethana cilësuese”. Nga të dhënat e zbuluara në telefonin e të dyshuarit tjetër për atentatin, Redjan Rrajës, janë gjetur disa biseda që kanë zbuluar Arjol Halilajn, i cili sipas njoftimit të Policisë ka ndihmuar autorët që të largohen nga vendngjarja pas atentatit.
Në foto shihet jeta luksoze e të dyshuarit Arjol Halilaj, me makina të shtrenjta si Hummer, Ferrari e BMW X6, ndërsa nuk mungojnë festat me shampanjë.
Keni një histori? Denonco anonimisht, identiteti juaj mbrohet.
Denonco
