Del fotoja, ky është autori i grabitjes së exchange-s te 5 Maji

Policia e Tiranë ka arrestuar autorin e grabitjes së një pike këmbimi valutor, ngjarje e ndodhur mëngjesin e së enjtes në zonën e Rruga 5 Maji. Ndërkohë është publikuar edhe fotoja e të dyshuarit.

Personi i vënë në pranga është Luan Maci, 42 vjeç.

Sipas informacioneve paraprake, ngjarja ndodhi në një pikë exchange që funksionon brenda një qendre tregtare në këtë zonë të kryeqytetit. Dyshohet se Maci hyri i armatosur në ambientet e biznesit dhe, pasi kërcënoi punonjësin, mori nga kasa një shumë prej rreth 1 milionë e 200 mijë lekësh të vjetra.

Pas grabitjes, ai u largua nga vendi i ngjarjes me motor, duke kaluar nëpër rrugët e lagjes për të shmangur ndjekjen.

Falë hetimeve dhe sigurimit të pamjeve dhe fotografive nga momenti i grabitjes, policia arriti ta identifikojë dhe ta lokalizojë autorin, duke e arrestuar pak orë pas ngjarjes.

Hetuesit po vijojnë verifikimet për rrethanat e plota të grabitjes dhe për armën që dyshohet se është përdorur gjatë krimit.