Del VIDEO, ja si nisi zjarri në 5 Maj që ‘gllabëroi’ 50 dyqane

Pamjet që po shihni tregojnë momentin e parë të shpërthimit të zjarrit në magazinat e tregut 5 Maj në zonën e Medresesë. Nga ajo që shihet, flakët kanë nisur fillimisht në një prej dyqaneve, ku fillimisht ka dalë tym i dendur, përpara se zjarri të marrë përmasa të mëdha.

Brenda pak minutash, flakët janë përhapur me shpejtësi në magazinat ngjitur, të favorizuara edhe nga materialet e ndezshme që ndodheshin brenda tyre. Si pasojë, dhjetëra magazina janë përfshirë nga zjarri, duke u shkrumbuar plotësisht dhe duke shkaktuar dëme të konsiderueshme materiale.

Pamjet tregojnë intensitetin e flakëve dhe momentin kur situata del jashtë kontrollit, ndërsa zjarri përhapet në gjithë zonën e tregut, duke krijuar panik dhe vështirësi për ndërhyrjen e forcave zjarrfikëse.