Denoncim/ Rezervuari rrezikon të çahet dhe të shkaktojë cunam

I ftuar në emisionin “360 Gradë” në Ora News, ish-ministri i Bujqësisë, Edmond Panariti, në vijimim të diskutimit për temën “Të vajtojmë përmbytjet apo të brohorasim shpëtimtarët?”, ka denoncuar rastin e rezervuarit të Manskurisë i cili rrezikon të çahet dhe të shkaktojë cunam.

“Rezervuari i Manskurisë që është nën administrimin e Bashkisë së Durrësit është duke u çarë dhe po u ça do të marrë përsipër gjithë plazhin e Golemit dhe gjithë ato ndërtime hotele dhe pallate do të përmbyten nga një cunam i të vërtetë”.

Më tej Panariti ka thënë se këto basene të mëdha ujore nuk mund tu lihen nën administrim pushtetit lokal.

“Kush do ta mirmbajë rezervuarin Bashkia e Durrësit? Absolutisht. Nuk mund të lihen rezervuaret dhe basenet nën administrimin e pushtetit lokal”, ka deklaruar Edmond Panariti.