Dëshmia e 74-vjeçarit : Nuk doja ta vrisja, situata doli jashtë kontrollit

Hekuran Gjoni ka dhënë një dëshmi të shkurtër për grupin hetimor pas vrasjes me thikë të të birit

Për shkak të gjendjes së rënduar do të merret sërish në pyetje ditën e nesërme. 74-vjeçari ka deklaruar se me djalin ishte shpesh konflikte për shkak se sipas tij e shante dhe e bullizonte. Ai ka këmbëngulur se nuk ka patur qëllim ta vriste djalin, porse situata doli jashtë kontrollit. Viktima Asim Gjoni sipas grupit të hetimit ishte pjesë e ushtrisë. I moshuari është arrestuar nën akuzën e vrasjes. Hetimet pritet të hedhin dritë mbi motivet e krimit.