Dibër/Mashtroi një shtetas dhe i mori një shumë të konsiderueshme parash, policia arreston 43-vjeçarin

Policia ka arrestuar një 43-vjeçar në Dibër, i cili dyshohet se nëpërmjet mashtrimit, i ka marrë një shumë parash me vlerë 1.200.000 lekë një shtetasi.

Sipas asaj që bën me dije policia, paratë iu morën me qëllim për t’ia dërguar një të afërmi të tij.

Gjatë kontrollit në automjetin e 43-vjeçarit, shërbimet e Policisë  gjetën shumën e parave, të cilat u sekuestruan në cilësinë e provës materiale.

Njoftimi i policisë:

I mori një shumë parash, me anë të mashtrimit, një shtetasi, kapet dhe vihet në pranga 43-vjeçari.

Specialistët për Hetimin e Krimeve të DVP Dibër, si rezultat i veprimeve hetimore dhe operacionale që u kryen menjëherë pas kallëzimit të shtetasit R.D,  se ishte mashtruar nga një shtetas, për dhënien e një shume parash, kanë organizuar punën dhe si rezultat kanë kapur dhe  arrestuar në flagrancë autorin e dyshuar të rastit, shtetasin G.T., 43 vjeç, banues në fshatin Kastriot, Dibër.

Ky shtetas, dyshohet se nëpërmjet mashtrimit, i ka marrë një shumë parash me vlerë 1.200.000 lekë, shtetasit R.D., me qëllim për t’ja dërguar një të afërmi të tij.

Gjatë kontrollit në automjetin e 43-vjeçarit, shërbimet e Policisë  gjetën shumën e parave, të cilat u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.