Si tentohej kapërcimi i pengesave me dhunë

Në vitin 2019, në komunikime mes personash të përfshirë në interesa private, del në skenë emri i ish-ministrit Damian Gjiknuri, i përshkruar si një “pengesë” për realizimin e përfitimeve të caktuara. Mesazhet e shkëmbyera në atë periudhë flasin për vështirësi në realizimin e një qëllimi dhe për nevojën që kjo pengesë të kapërcehej me çdo kusht. Vite më pas, një tjetër episod i rëndë del në dritë: rrëmbimi i biznesmenit Gerond Meçe, i cili përmes ankimimeve institucionale kishte bllokuar procedura publike dhe interesa financiare të konsiderueshme.

Dosja hetimore, e zbardhur nga organet e drejtësisë, ndërton një vijë të qartë kohore mes këtyre ngjarjeve, duke lidhur deklarime, komunikime dhe prova materiale që sugjerojnë një model të përsëritur veprimi.

Sipas deklarimeve të shtetasit Gerond Meçe, organet hetimore janë vënë në dijeni se zëvendësdrejtori i Drejtorisë Vendore të Policisë Tiranë, Erjon Ismaili, i ka kërkuar atij që të “rrinte larg AKSHI”. Ky fakt gjen përputhje edhe në pamjet filmike të sekuestruara në zyrën e shtetasit Ergys Agasi, ku evidentohet ekzistenca e lidhjeve shoqërore dhe interesave të përbashkëta mes këtyre personave.

Nga këqyrja e pamjeve filmike rezulton se janë regjistruar takime të shumta mes Ergys Agasit dhe Erjon Ismailit, duke përforcuar dyshimet për një raport të qëndrueshëm komunikimi dhe bashkëpunimi mes tyre.

Për të ilustruar mënyrën e funksionimit të kësaj veprimtarie, hetimet zbulojnë gjithashtu një komunikim të datës 6 mars 2019 mes Ergys Agasit dhe Alqi Bllakos, ku diskutohet për një “situatë” në të cilën dyshohet se Damian Gjiknuri ishte shndërruar në pengesë për përfitime të paligjshme. Nga përmbajtja e kësaj bisede, personi i përmendur me pseudonimin “labi” identifikohet si shtetasi Elgerti Bixha, të cilin Agasi synonte ta emëronte administrator në një shoqëri private që kishte fituar një koncesion nga ministria e drejtuar në atë kohë nga Gjiknuri.

Sipas dosjes, Gjiknuri pretendohet se kishte bllokuar realizimin e këtyre përfitimeve të paligjshme nga ana e Ergys Agasit, Elgerti Bixhës dhe Alqi Bllakos. Në këtë kontekst, në mesazhin e datës 06.03.2019, ora 21:54:43, Ergys Agasi shprehet: “Do ja qi robt, do fusim çunat pastaj”, një formulim që, sipas prokurorisë, nënkupton përdorimin e lidhjeve me persona me rrezikshmëri të lartë shoqërore për të eliminuar pengesat e krijuara.

Kjo rrethanë lidhet drejtpërdrejt edhe me rrëmbimin e Gerond Meçes. Ashtu si në rastin e Damian Gjiknurit, edhe Meçe kishte krijuar “pengesë” për interesat e këtij grupi përmes ankimimeve të shumta pranë Komisionit të Prokurimit Publik, lidhur me procedurat e zhvilluara nga AKSHI. Sipas hetuesve, kjo përforcon dyshimin se modus operandi i grupit ishte i njëjtë: identifikimi i një pengese, ushtrimi i presionit përmes kanaleve informale dhe, në rast refuzimi, kalimi në forma të rënda intimidimi dhe dhune.

Dyshimi i arsyeshëm ndaj Ergys Agasit, si organizator dhe pjesëmarrës në pengmarrjen e Gerond Meçes, përforcohet edhe nga fakti se automjeti i përdorur gjatë rrëmbimit rezulton në pronësi të shoqërisë “Merkaj 3” sh.p.k., me NIPT L31722005D, në pronësi të shtetasit Endri Merkaj.

Nga verifikimet në burime të hapura rezulton se Endri Merkaj, së bashku me vëllain e tij Klajdi Merkaj, kanë lidhje interesi me shtetasit Arjan Ormenaj dhe Arben Lamçe, të identifikuar si pjesë e grupit kriminal të njohur si “Çopja”.

Gjithashtu, gjatë kontrollit të banesës së Ergys Agasit janë sekuestruar dokumente me interes për hetimin, përfshirë një “Kontratë shitje pasurie të paluajtshme me rezervë kalimi pronësie”, me nr. 1370/798 rep/kol, datë 07.03.2024, e legalizuar pranë zyrës noteriale Fatmir Koseni. Kontrata rezulton e lidhur mes shtetases Drita Hoxha si palë shitëse, shtetasve Mira Hoxha, Irfan Hoxha dhe Nikolin Jaka si palë dhënëse pëlqimi dhe shoqërisë “Elba Beton” sh.p.k., me NIPT K12608201B, e përfaqësuar nga shtetasi Arjan Ormenaj.

Të gjitha këto elemente, të analizuara në tërësi, përbëjnë zbardhjen e një dosjeje që lidh presionin, kërcënimet, pengmarrjen dhe ndërhyrjet kriminale me interesat e tenderëve publikë, duke dëshmuar ekzistencën e një modeli të përsëritur veprimi dhe një mekanizmi të strukturuar kriminal.

Pjesë nga dosja hetimore:

Nga deklarimet e shtetasit Gerond Meçe, organet hetimore janë vënë në dijeni për faktin se shtetasi Erjon Ismaili, me detyrë zëvendësdrejtor i Drejtorisë Vendore të Policisë Tiranë, i ka kërkuar atij që të “rrinte larg AKSHI”. Ky fakt përputhet edhe me rezultatet e këqyrjes së pamjeve filmike të sekuestruara në zyrën e shtetasit Ergys Agasi, nga të cilat rezulton se ndërmjet këtyre shtetasve ekzistojnë lidhje shoqërore dhe interesa të përbashkëta. Nga këqyrja e pamjeve filmike evidentohet se janë regjistruar takime të shumta mes shtetasit Ergys Agasi dhe shtetasit Erjon Ismaili, duke përforcuar dyshimet mbi një raport të qëndrueshëm komunikimi dhe bashkëpunimi.

Për të ilustruar modus operandi të kësaj veprimtarie, nga hetimet rezulton gjithashtu se shtetasi Ergys Agasi, në një komunikim të datës 06.03.2019 me shtetasin Alqi Bllako, ka diskutuar për një “situatë” në të cilën dyshohet se shtetasi Damian Gjiknuri ishte bërë pengesë për përfitime të paligjshme. Nga përmbajtja e kësaj bisede evidentohet se personi i përmendur me pseudonimin “labi” është shtetasi Elgerti Bixha, të cilin shtetasi Ergys Agasi synonte ta emëronte administrator në një shoqëri private që kishte fituar një koncesion nga ministria e drejtuar në atë kohë nga ish-ministri Damian Gjiknuri. Ky i fundit pretendohet se ishte bërë pengesë për realizimin e këtyre përfitimeve të paligjshme nga ana e shtetasve Ergys Agasi, Elgerti Bixha dhe Alqi Bllako.

Në këtë komunikim, konkretisht në mesazhin e datës 06.03.2019, ora 21:54:43, shtetasi Ergys Agasi shprehet: “Do ja qi robt, do fusim çunat pastaj”, çka nënkupton përdorimin e lidhjeve me persona me rrezikshmëri të lartë shoqërore për të “hequr” pengesat e krijuara.

Kjo rrethanë lidhet drejtpërdrejt edhe me pengmarrjen e shtetasit Gerond Meçe, pasi edhe ai, ashtu si në rastin e shtetasit Damian Gjiknuri, kishte krijuar “pengesë” për interesat e këtij grupi përmes ankimimeve të shumta pranë KPP-së, lidhur me procedurat e prokurimit të zhvilluara pranë AKSHI. Kjo përforcon dyshimin se modus operandi i këtij grupi kriminal është i njëjtë: identifikimi i një pengese, presioni përmes kanaleve informale dhe, në rast refuzimi, përdorimi i formave të rënda të intimidimit.

Në vijim të këtij arsyetimi, dyshimi i arsyeshëm në ngarkim të shtetasit Ergys Agasi, si organizator dhe pjesëmarrës në pengmarrjen e shtetasit Gerond Meçe, përforcohet edhe nga fakti se automjeti i përdorur për kryerjen e pengmarrjes rezulton të jetë në pronësi të subjektit “Merkaj 3” sh.p.k, me NIPT L31722005D, në pronësi të shtetasit Endri Merkaj.

Nga burime të hapura është verifikuar se shtetasi Endri Merkaj, së bashku me vëllain e tij Klajdi Merkaj, kanë lidhje interesi me shtetasit Arjan Ormenaj dhe Arben Lamçe, pjesë e grupit kriminal të njohur si “Çopja”.

Gjithashtu, gjatë kontrollit të banesës së shtetasit Ergys Agasi janë gjetur dokumente me interes për hetimin, konkretisht “Kontratë shitje pasurie të paluajtshme me rezervë kalimi pronësie”, me nr. 1370/798 rep/kol, datë 07.03.2024, e mbajtur dhe e legalizuar pranë zyrës noteriale Fatmir Koseni, midis shtetases Drita Hoxha në cilësinë e palës shitëse, shtetasve Mira Hoxha, Irfan Hoxha dhe Nikolin Jaka në cilësinë e palës dhënëse të pëlqimit dhe shoqërisë “Elba Beton”, me NIPT K12608201B, e përfaqësuar nga shtetasi Arjan Ormenaj.

Këto të dhëna, të marra në tërësi, përbëjnë zbardhjen e plotë të dosjes që lidh presionin, kërcënimet, pengmarrjen dhe ndërhyrjet kriminale me interesat e tenderëve publikë dhe me një model të përsëritur veprimi.