Drejtuesi i SPAK Arben Kraja takon ministren e Drejtësisë së Kosovës, ja për çfarë u ra dakord

Drejtuesi i SPAK, Arben Kraja, zhvilloi ditën e sotme një takim dypalësh me Ministren e Drejtësisë së Republikës së Kosovës, Albulena Haxhiu, si dhe delegacionin e saj. 

Në këtë takim u diskutua mbi përparësitë dhe zhvillimet si rezultat i reformës në drejtësi, procesin e vetingut dhe ngritjen e institucioneve të reja të drejtësisë.

Gjithashtu u diskutua mbi arritjet si rezultat i këtyre proceseve, por edhe sfidat konkrete me të cilat po përballet Prokuroria e Posaçme Kundër Korrupsionit dhe Krimit të Organizuar në Shqipëri.

Në diskutimin për shkëmbimin e përvojës së deritanishme dhe praktikave të SPAK për të përmbushur me sukses misionin dhe vizionin e tij, u ra dakord për të vazhduar me prioritet bashkëpunimin e ndërsjellë institucional.