Dritan Zagani do jetë pjesë e protestës së opozitës nesër!

Pjesë e protestës së opozitës që do të mbahet ditën e nesërme pritet të jetë edhe ish-oficeri i policisë Dritan Zagani.

“Politiko.al” raporton se “përfaqësues nga Partia Demokratike kanë kontaktuar me Zaganin, i cili jeton jashtë Shqipërisë, dhe i kanë kërkuar që të bëhet pjesë e protestës duke mbajtur një fjalim. Ish-oficeri ka pranuar këtë ftesë dhe nesër do të flas përmes skype-it”.

Kujtojmë që Dritan Zagani ishte i pari që denoncoi grupin e ‘Habilajve’ dhe lidhjen e tyre me ish-ministrin e Brendshëm Saimir Tahiri. Gjithashtu Zagani ishte i pari që foli edhe për makinën e famshme Audi me targë AA003GB, e cila përdorej nga Habilajt.