Drogë dhe prostitucion në Durrës, arrestohen kolumbianet

Policia e Durrësit ka arrestuar dy shtetase kolumbiane, të dyshuara për ushtrim prostitucioni dhe shpërndarje të lëndëve narkotike.

Të arrestuarat, të identifikuara me inicialet D.G., 28 vjeçe, dhe M.A., 24 vjeçe, ishin akomoduar në një apartament me qira në lagjen nr. 18 të qytetit.

Gjithashtu, është proceduar penalisht pronari i apartamentit për veprat penale të “fshehjes së të ardhurave” dhe “moskallëzimit të krimit”.

Gjatë kontrollit në apartament, forcat e policisë sekuestruan një sasi kanabisi, një shumë parash të përfituara nga aktiviteti i paligjshëm, si dhe pasaportat e dy shtetaseve të huaja.