Durrësi ‘mbërthehet’ nga m*ti për Krishtlindje, Sako bën sehir

Një incident i rëndë është raportuar gjatë natës në qytetin e Durrësit, ku tubacionet e ujërave të zeza shpërthyen, duke përmbytur rrugët dhe krijuar një rrezik serioz për shëndetin e banorëve. Ngjarja ndodhi natën e Krishtlindjes, duke shënuar një tjetër episod shqetësues të përsëritur në qytet.

Banorët tregojnë se zona e prekur përfshin rrugën përpara Komisariatit të Policisë së Durrësit, pranë Spitalit Rajonal dhe arrin deri afër shkollës “Dy Gjelat”. Sipas qytetarëve, bashkia e drejtuar nga Emirjana Sako nuk ka ndërmarrë asnjë veprim për të parandaluar apo menaxhuar situatën, pavarësisht se kjo është një problematikë e njohur dhe e përsëritur.

Një qytetar, i revoltuar nga situata, ka regjistruar një video dhe e ka publikuar në rrjetet sociale, duke u shprehur me tone të ashpra ndaj autoriteteve:

“O kryetare, i more frymën Durrësit, e mbyte me mbeturina, e mbyte. Ja përpara Komisariatit të Policisë. Data 25, për Krishtlindje, ora 11 e darkës, e mbyti gjithë qytetin. Shih si janë rrugët plot me mbeturina. Aman o kryetare, nuk duam as ujë e as drita, vetëm na liro nga kjo situatë, se era është e padurueshme. Live nga Durrësi, për Krishtlindje, qyteti është i mbytur,” – shprehet qytetari krahas videos së publikuar nga JOQ.