E BUJSHME! Italia do t’i thotë ‘jo’ Bordit të Paqes të Donald Trump

Italia nuk pritet t’i përgjigjet pozitivisht ftesës së presidentit amerikan Donald Trump për t’u përfshirë në të ashtuquajturin “Bord i Paqes”.

Sipas asaj që raporton Corriere della Sera, qëndrimi refuzues lidhet drejtpërdrejt me parashikimet e Kushtetutës italiane.

Konkretisht, neni 11 i Kushtetutës lejon pjesëmarrjen e Italisë në organizata ndërkombëtare që kanë në fokus ruajtjen e paqes, por vetëm në kushte të barabarta me shtetet e tjera.

Kjo kornizë kushtetuese, sipas medias italiane, bie ndesh me natyrën dhe mënyrën e funksionimit që përfaqëson Bordi i Paqes i propozuar nga Trump.

Ndërkohë, kryeministrja Giorgia Meloni pritet të marrë pjesë në forumin ekonomik të Davosit.

Megjithatë, Corriere della Sera thekson se ajo është gjithnjë e më e vetëdijshme se nuk mund të marrë angazhime në emër të Italisë për anëtarësimin në këtë bord, veçanërisht në kushtet kur kërkohet edhe një tarifë anëtarësimi për t’u bashkuar.