E pazakontë! Vdiq pak ditë më parë, kandidati merr 53 vota

Nikoll Perkaj, kandidati i Partisë Balli Kombëtar Demokrat Shqiptar për kryetar komune në Gjakovë, fatkeqësisht ndërroi jetë disa ditë para zgjedhjeve, si pasojë e një arresti kardiak.

Megjithatë, emri i tij nuk u hoq nga fleta e votimit, pasi procesi zgjedhor kishte hyrë në fazën përfundimtare dhe listat ishin tashmë të miratuara.

Sipas rezultateve zyrtare të publikuara nga KQZ, Nikoll Perkaj ka marrë 53 vota në këto zgjedhje, pavarësisht ndarjes së tij nga jeta.