E rëndë në Vlorë, 37-vjeçarja gjendet e pajetë në banesë

Një 37-vjeçare është gjetur pa shenja jete në banesën e saj në fshatin Dukat të Vlorës, pasditen e 24 shtatorit.

Ngjarja është konstatuar rreth orës 16:00, kur familjarët kanë gjetur të pajetë shtetasen me inicialet E. Q., 37 vjeçe.

Sipas të dhënave paraprake të Policisë, dyshohet se e reja është vetëvarur. Deri në këto momente, nuk janë bërë të ditura shkaqet dhe rrethanat që mund të kenë çuar në ngjarje.

Në vendngjarje kanë shkuar shërbimet e Policisë dhe grupi hetimor, të cilët po vijojnë veprimet për të sqaruar rrethanat dhe për të dokumentuar plotësisht rastin.

Njoftimi i Policisë:

Vlorë/Informacion paraprak – Rreth orës 16:00, në fshatin Dukat, është gjetur e pajetë nga familjarët, në banesë, shtetasja E. Q., 37 vjeçe, e cila dyshohet se është vetëvarur. Grupi hetimor po punon për dokumentimin e rrethanave të rastit.