“Ec, ec, bllokoje”, momenti kur Imer Krrashi i ikën policisë (VIDEO)

Publikohen pamjet e momentit kur 31‑vjeçari Imer Krrashi tentoi të arratisej, teksa përplasi 9 makina dhe një motor kur përpiqej t’i shpëtonte policisë.

Në video dëgjohen zërat e forcave të rendit që bëjnë thirrje:

“Ec, ec, bllokoje”

Sipas policisë, rreth orës 12:30, pranë Liqenit të Thatë, forcat speciale “Shqiponja” i dhanë shenjë ndalimi automjetit me drejtues Krrashin, pasi kishin marrë informacion se ai mund të ishte i armatosur. Por kur iu komunikuar urdhri për kontroll, ai refuzoi dhe u largua me shpejtësi, duke bërë përplasje me disa automjete dhe motorë dhe duke rrezikuar jetën e punonjësve të policisë.

Njoftimi i Policisë sqaron gjithashtu se veprimet ndodhën pasi forca operative mori sinjalizimin për një makinë që po lëvizte në unazë drejt TEG-ut dhe dyshohej se drejtuesi i saj mban armë zjarri.