Ekstradohet nga Milano i shumëkërkuari nga drejtësia

Në kuadër të operacionit ndërkombëtar “The Wanted”, vijon bashkëpunimi i ngushtë mes autoriteteve shqiptare dhe partnerëve të huaj. Shtetasi që koordinoi pastrimin e parave të fituara nga trafikimi i drogës nga një grup kriminal në Durrës, u ekstradua nga Milano drejt Shqipërisë.

Ky rezultat u arrit falë bashkëpunimit të ngushtë midis specialistëve të Drejtorisë së Interpolit dhe homologëve të tyre në Interpol Romë, duke finalizuar procedurat e ekstradimit të shtetasit E. L..

E. L. ishte në kërkim ndërkombëtar, pasi Gjykata e Krimeve të Rënda në prill 2025 i kishte vendosur masën e sigurisë “Arrest në burg”, për veprën penale të “Pastrimit të produkteve të veprës penale apo veprimtarisë kriminale”, kryer brenda një grupi të strukturuar kriminal.