Ekzekutimi i Edmond Papës/ Si u arrestua djali i efektivit të Policisë

30 vjeçari Albano Velo dyshohet se është organizatori i vrasjes së Edmond Papës, ngjarje e ndodhur në 16 dhjetor të 2022.

Velo është arrestuar gjatë operacionit të koduar “EAGLE EYES”, në aeroportin e Rinasit, teksa po kthehej nga Franca.

Velo rezulton të jetë larguar nga Shqipëria katër ditë pas vrasjes së Edmond Papës në Tiranë.

Raportohet se i dyshuari për vrasje është djali i efektivit të policisë së Komisariatit nr. 4, Dilaver Velo.

Ai është lënë burg sot nga Gjykata Penale, ndërkohë ka mohuar të ketë lidhje me vrasjen e Edmond Papës.