Elbasan/ Humbi jetën pas abortit në spital, ishte nënë e dy fëmijëve

Etleva Çullhaj është 34-vjeçarja që humbi jetën pak pak orë pasi kishte abortuar një fëmijë në maternitetin e Elbasanit. E reja bëhet me dije se është banuese në lagjen “5 Maji” të Elbasanit, dhe ishte nënë e dy fëmijëve të tjerë.

Sipas reagimit të spitalit, pacientja ka mbërritur me shtatzëni të dëmtuar, pra fëmija dyshohet se ka qenë i pajetë, ndaj është bërë procedura e abortit. Pas kryerjes së abortit, sipas spitalit, pacientes i është kërkuar të qëndrojë nën mbikqyrjen e mjekëve, por ajo ka kërkuar të largohet për në shtëpi.

Disa orë më pas 34-vjeçarja mësohet se ka pasur përkeqësim të shëndetit, duke ndërruar jetë. Pas ngjarjes së rëndë, dy mjekët e spitalit të Elbasanit, Arben Paralloi dhe Behar Gjevori janë vënë nën hetim lidhur me këtë rast. Po astu pritet dhe ekspertiza mjeko-ligjore nëse kemi të bëjmë për humbje jete nga pakujdesia e mjekëve apo jo.