Elvis Kosova mohon çdo lidhje me atentatin e Rinasit: Zot na ruaj!

Elvis Kosova, për të cilin u raportua se ishte pronari i automjetit tip Benz, me të cilin udhëtonin Gilmando Dani, viktimë e atentatit të djeshëm, dhe Muçi Shaljani (Sheqeri), ka reaguar për ngjarjen e rëndë të ndodhur pranë aeroportit të Rinasit, duke mohuar çdo lidhje me të.

Në një koment në rrjetet sociale, Kosova shpjegon se automjeti është pronë e kompanisë së tij, duke theksuar se nuk e ka pasur kurrë në pronësi personale. Biznesmeni, i njohur në fushën e shitblerjes së automjeteve, shkruan:

“As nuk e mbaj mend ta kem pasur ndonjëherë këtë makinë. Nuk është në emrin tim fare, është në emër të kompanisë. Sa makina hyjnë e dalin nga kompanitë e mia, s’di, s’kam fjalë me këto. Zot na ruaj.”

Deklarata e tij vjen pas spekulimeve që lidhin automjetin me ngjarjen tragjike, duke qartësuar se Kosova nuk ka asnjë përfshirje në atentat.