Emërohet kreu i ri i Kadastrës në Durrës

Arjan Cengu është emëruar si drejtori i ri i Kadastres shteterore ne qytetin bregdetar të Durrësit.

Emërimi i tij erdhi pas arrestimit të Liridon Pulës mesditën e djeshme për “Shpërdorim Detyre”.

Gjithashtu, ditën e djeshme u shpall në kërkim edhe ish-drejtori i Legalizimeve, Flamur Gjuzi, për “Shpërdorim Detyre.

Njoftimi zyrtar:

Specialistët e Seksionit për Hetimin e Krimit Ekonomik dhe Financiar në Drejtorinë Vendore të Policisë Durrës kanë ekzekutuar masën e sigurisë “Arrest me burg ” për veprën penale
“Shpërdorimi i detyrës” dhënë nga Gjykata e Rrethit Gjyqësor Durrës në ngarkim të shtetasit L.P., 36 vjeç, banues në Tiranë, Drejtor i Agjensisë Shtetërore të Kadastrës Durrës.

Materialet i kaluan Prokurorisë së Rrethit Gjyqësor Durrës për veprime të mëtejshme.